თბილისის N103 საჯარო სკოლაში მოსწავლეები ეროვნულ ღირებულებებზე იზრდებიან, პედაგოგები მოსწავლეებს ისტორიის პატივისცემასა და ენის სიყვარულს ასწავლიან. რაღა თქმა უნდა, სკოლაში გამორჩეულად აღინიშნა 14 აპრილი - ერთ-ერთი ყველაზე მნიშვნელოვანი თარიღი საქართველოს უახლეს ისტორიაში. დღე, როდესაც ქართველმა ერმა საკუთარი იდენტობა, ღირსება და მშობლიური ენა თავგანწირვით დაიცვა. ამ ღირსშესანიშნავ დღესთან დაკავშირებით სკოლაში კვირეული გაიმართა.
კვირეულმა არაერთი სასწავლო-შემოქმედებითი ღონისძიება თუ აქტივობა გააერთიანა.
დედაენის დღისადმი მიძღვნილი საგანმანათლებლო დღეები მეტად საინტერესოდ წარიმართა.
ქართული ენის დღე იზეიმეს მე-5 გ კლასში, პედაგოგი ნინო ოკრიბელაშვილი მოსწავლეებს დედაენის დღის მნიშვნელობაზე, ქართული ენის მრავალსაუკუნოვან ისტორიასა, დამწერლობის უნიკალურობაზე ესაუბრა და ბავშვები არაერთ საინტერესო აქტივობაში ჩართო.
1-ელ გ კლასში კი იაკოგ გოგებაშივილის ღვაწლი აღინიშნა საქართველოში წიგნიერების გავრცელებაში. ღონისძიებას პედაგოგი მანანა აკოფაშვილი ხელმძღვანელობდა.
მე-2ე კლასელებმა კი ხოტბა შეასხეს ქართულ ენას და პედაგოგ ნანა ჩხიტუნიძის დახმარებით უკეთ გაიაზრეს ენის როლი ერის თვითმყოფადობის შენარჩუნებაში.
ქართული ენის ტკბილხმოვანებასა და მრავალსაუკუნოვან ისტორიას მიეძღვნა მე-3დ კლასში, პედაგოგ ნატო წიკლაურის ხელმძღვანელობით გამართული აქტივობები.
ქართული ენის სიწმინდის დაცვის მნიშვნელობას გაესვა ხაზი მე-3გ კლასში. პედაგოგ ლალი თეთრაძის ხელმძღვანელობით მოსწავლეებმა ბარბარიზმების წინააღმდეგ გაილაშქრეს.
ვიდეო იხილეთ ბმულზე:
ვიდეო იხილეთ ბმულზე:
ვიდეო იხილეთ ბმულზე:
ვიდეო იხილეთ ბმულზე:
