ვანის მუნიციპალიტეტის სოფელ მუქედის საჯარო სკოლის მოსწავლეები ეროვნულ ღირებულებეზე იზრდებიან. რაღა თქმა უნდა, სკოლაში საინტერესოდ აღინიშნა ერთ-ერთი ყველაზე მნიშვნელოვანი თარიღი საქართველოს უახლეს ისტორიაში. დღე, როდესაც ქართველმა ერმა საკუთარი იდენტობა, ღირსება და მშობლიური ენა თავგანწირვით დაიცვა.
გაიმართა კვირეული, რომელმაც არაერთი საგანმანათლებლო-შემოქმედებითი ღონისძიება გააერთიანა.
აღსანიშნავია, ქართული ენისადმი მიძღვნილი საღამო - „ჩვენი ენა ქართული“. მოსწავლეებმა ლექსებით შეამკეს ქართული ენა და ხოტბა შეასხეს მის სიდიადეს.
კვირეულის ფარგლებში ასევე ჩატარდა ღონისძიება - „არა ბარბარიზმებს“. მოსწავლეებმა ენის დაბინძურების წინააღმდეგ გაილაქრეს და ენის სიწმინდის დაცვის აუცილებლობა აღნიშნეს.
ღონისძიებებს ორგანიზება გაუწიეს პედაგოგებმა - მარო ჯოგლიძემ და ხათუნა კორძაძემ.
იხილეთ ფოტოები:
