14 აპრილი საქართველოს ისტორიაში ერთ-ერთი ყველაზე მნიშვნელოვანი თარიღია. დღე, როდესაც ქართველმა ერმა საკუთარი იდენტობა, ღირსება და მშობლიური ენა თავგანწირვით დაიცვა. ამ ღირსშესანიშნავ დღესთან დაკავშირებით, ნოდარ დუმბაძის სახელობის ჩოხატაურის მუნიციპალიტეტის სოფელ ჯვარცხმის საჯარო სკოლაში კვირეული მოეწყო.
კვირეულმა, რომელიც სახელმწიფო ენისა და ესთეტიკური კათედრის ორგანიზებით მოეწყო, არაერთი საგანმანათლებლო-შემოქმედებითი აქტივობა გააერთიანა.
კვირეული წარიმართა დეკლამატორთა, კალიგრაფისტთა და ნორჩ მხატვართა ნამუშევრების გამოფენებით, წაკითხულის გააზრების აქტივობით. მოეწყო დედაენის დღისადმი მიძღვნილი საუკეთესო კედლის გაზეთების გამოფენა.
კვირეული კი დასრულდა შემაჯამებელი ღონისძიებით, რომელიც ეროვნული სულის ზეიმად იქცა.
პროექტში ჩართული იყო მთელი სასკოლო საზოგადოება.
იხილეთ ფოტოები:
