
ყვარლის მუნიციპალიტეტის სოფელ საბუეს საჯარო სკოლის მოსწავლეები მაღალი გარემოსდაცვითი პასუხისმგებლობით გამოირჩევიან.
ახლახან, სკოლის ეზოში, თვითმმართველობის ინიციატივით, ეკოლოგიურად სუფთა გარემოს შექმნის მიზნით, ცაცხვის ნერგები დაირგო.
„ერთად ვქმნით უკეთეს გარემოს ჩვენი მომავლისთვის!“- ერთხმად აღნიშნეს მოსწავლეებმა, აქტივობას დიდი ენთუზიაზმით შეუერთდნენ.
„მადლობას ვუხდით ჩვენი სკოლის კურსდამთავრებულს - ვანო ზაალიშვილს, რომელმაც გვაჩუქა ცაცხვის ნერგები და წვლილი შეიტანა სკოლის გამწვანებაში“,- აღნიშნავენ სკოლაში და აქტივობის მნიშვნელობას უსვამენ ხაზს - „ასეთი ინიციატივები აძლიერებს სასკოლო საზოგადოებას და ქმნის უკეთეს გარემოს“.
იხილეთ ვიდეო: