ჭიათურის N2 საჯარო სკოლის მოსწავლეები ეროვნულ ფასეულობებზე იზრდებიან. რაღა თქმა უნდა, სკოლაში გამორჩეულად აღინიშნა 14 აპრილი ერთ-ერთი უმნიშვნელოვანესი თარიღი საქართველოს ისტორიაში. დღე, როდესაც ქართველმა ერმა საკუთარი იდენტობა, ღირსება და მშობლიური ენა თავგანწირვით დაიცვა.
IVა კლასმა, დამრიგებლის - მარინე გაფრინდაშვილის ხელმძღვანელობით, გამართა საინტერესო ღონისძიება.
როგორც სკოლაში გვეუბნებიან, დედაენის დღე კიდევ ერთხელ იქცა იმ განსაკუთრებულ დღედ, როცა სიტყვებს მხოლოდ მნიშვნელობა კი არა - გრძნობაც აქვს .
ღონისძიებას ესწრებოდნენ მიწვეული სტუმრები რესურსცენტრიდან, ქალაქის მერიიდან, სკოლის დირექცია, პედაგოგები და მშობლები.
მოსწავლეებმა საკუთარი ძალებითა და ნიჭით შექმნეს ის ემოცია, რომელმაც დარბაზი გააერთიანა. ჟღერდა: ლექსები, სიმღერები და ცეკვები. თითოეულ შესრულებაში იგრძნობოდა მათი გულწრფელი სიყვარული და პატივისცემა მშობლიური დედა-ენისადმი.
„ეს დღე კიდევ ერთი ნიშანი იყო იმისა,რომ დედაენა ჩვენი სული და ხორცია, აუწონელი და შეუფასებელ გვირგვინად ქცეული სიმდიდრეა, რომელიც თაობებს უნდა გადავცეთ“,- დასძენენ სკოლაში და ღონისძიების მნიშვნელობას უსვამენ ხაზს.
იხილეთ ფოტოები:
