გიორგი ჭყონდიდელის სახელობის ქალაქ ფოთის N7 საჯარო სკოლაში დედა ენის დღისადმი მიძღვნილი კვირეულის ფარგლებში მრავალფეროვანი აქტივობები გაიმართა.
კვირეულის მე-2 დღე გასვლით ღონისძიებას დაეთმო. მე-8 კლასის მოსწავლეები, კლასის დამრიგებლის - თეონა ბჟალავას ხელმძღვანელობით, ქალაქის ცენტრალურ ბიბლიოთეკას სტუმრობდნენ.
ბავშვები თავად იყვნენ ჩართულნი ქალბატონ ნუნუ ჭელიძის მიერ შეთავაზებულ აქტივობებში: მათ მიიღეს მონაწილეობა დაზიანებული წიგნის რესტავრაციაში.
გარდა ამისა საბიბლიოთეკო გაერთიანების თანამშრომლებისგან მოსწავლეებმა მოისმინეს საინტერესო ინფორმაცია დამწერლობის განვითარებასა და ფოთის ბიბლიოთეკის ისტორიასთან დაკავშირებით და დაათვალიერეს წიგნსაცავი სივრცე.
„მასპინძლობაც ასეთი უნდა...“,- აღნიშნავენ სკოლაში და მადლობას უხდიან ბიბლიოთეკის თანამშრომლებს საინტერესო მასპინძლობისთვის.
იხილეთ ფოტოები:
