ერკეთის საჯარო სკოლაში, დედაენის საიუბილეო კვირეულის ფარგლებში, „სიტყვის კედელი“ მოეწყო
21-04-2026
ჩოხატაურის მუნიციპალიტეტის სოფელ ერკეთის საჯარო სკოლის მოსწავლეებმა დედაენის დღე საინტერესოდ, არაერთი საგანმანათლებლო აქტივობით აღნიშნეს და უკეთ გაიაზრეს ქართული ენის როლი ერის თვითმყოფადობის შენარჩუნებაში და მისი სიწმინდის დაცვის აუცილებლობა.
8 აპრილს, სკოლაში დედაენის საიუბილეო კვირეულის ფარგლებში, მოეწყო „სიტყვის კედელი“, რომელზედაც მოსწავლეებმა ჩამოწერეს ბარბარიზმები, არქაიზმები და მათი შესატყვისი ქართული განმარტებები, აქვე აღმოჩნდა კუთხური მეტყველებისთვის დამახასიათებელი და ხმარებიდან გასული სიტყვები - მათი თანამედროვე განმარტებებით,
ამავე დღეს თვალსაჩინო ადგილზე გამოიფინა I-VI კლასების მოსწავლეთა 3 საუკეთესო კალიგრაფიული ნამუშევარი.
იხილეთ ფოტოები:
სკოლების სიახლეები
