ახალქალაქის მუნიციპალიტეტის სოფელ პატარა სამსარის საჯარო სკოლაში მნიშვნელოვანი ყურადღება ექცევა როგორც მოსწავლეთა საგნობრივ ცოდნას, ისე მათ ინტელექტუალურ განვითარებას, ამ მიზნით კი სკოლაში არაერთი ღონისძიება იმართება.
13 აპრილს, პატარა სამსარის საჯარო სკოლაში გაიმართა ინტელექტუალური კონკურსი - „რა? სად? როდის?“, რომელიც გამოირჩეოდა განსაკუთრებული ინტერესითა და აქტიური ჩართულობით.
ღონისძიებაში მონაწილეობდნენ მე-5 და მე-6 კლასების მოსწავლეები. მონაწილეები დიდი ხალისითა და ენთუზიაზმით ჩაერთვნენ ინტელექტუალურ თამაშში, გამოავლინეს ცოდნა, სწრაფი აზროვნება და გუნდური მუშაობის უნარი. კონკურსმა შექმნა სასიამოვნო და მეგობრული გარემო, რაც ღონისძიებას კიდევ უფრო საინტერესო და შთამბეჭდავს ხდიდა.
ღონისძიების დასასრულს ყველა მონაწილესა და გამარჯვებულ გუნდს გადაეცა სიგელები.
ღონისძიებას ხელმძღვანელობდა მასწავლებელი ლუსია კურგინიანი.
იხილეთ ფოტოები:
