ახალქალაქის მუნიციპალიტეტის სოფელ დილისკის N2 საჯარო სკოლაში დედაენის დღე განსაკუთრებულად აღინიშნა.
14 აპრილს, დილისკის N2 საჯარო სკოლაში, ჩატარდა საინტერესო, დინამიკური კონკურსი.
ღონისძიება ორგანიზებული იყო ქართულის, როგორც მეორე ენის მასწავლებლის - მილენა მკოიანის მიერ.
ინტელექტუალურ ჭიდილში მონაწილეობდნენ მე-9 და მე-10 კლასების მოსწავლეები, რომლებიც ორ ჯგუფად გადანაწილდნენ.
- 1-ელი ჯგუფი - „იმედი“ ( მე-9 კლასი);
- მე-2 ჯგუფი - „მეგობრობა“ (მე-10 კლასი).
კონკურსის მიმდინარეობასა და მოსწავლეთა ცოდნას აფასებდა კომპეტენტური ჟიური. კონკურსი მოიცავდა ოთხ ძირითად ეტაპს:
- „ლიტერატურული კროსვორდი“ - მოსწავლეებმა გამოავლინეს ლოგიკური აზროვნება და ტექნოლოგების ცოდნა;
- „პოეტის გამოცნობა“ - მონაწილეებმა მინიშნებებითა და შემოქმედებითი დეტალებით ამოიცნეს ქართველი მწერლები;
- „ლექსის დასრულება და ავტორის დასახელება“ - გუნდის წევრებმა წარმატებით დაასრულეს მასწავლებლის მიერ დაწყებული სტრიქონები და სწორად მიუთითეს ავტორები;
- „ბლიც-კითხვები“ - დასკვნით ეტაპზე გუნდის კაპიტნებმა ელვისებური სისწრაფით უპასუხეს კითხვებს განვლილი მასალიდან.
ღონისძიების დასასრულს სკოლის დირექტორმა - კარინე ნახატაკიანმა მონაწილეებს მადლობა გადაუხადა სახელმწიდო ენის სიყვარულისა და აქტიურობისთვის. კონკურსის ყველა მონაწილეს საზეიმო ვითარებაში გადაეცა სერტიფიკატები.
„ეს დღე კიდევ ერთი წინ გადადგმული ნაბიჯი იყო მოსწავლეებში ქართული ენისა და ლიტერატურის პოპულარიზაციის გზაზე“,-აღნიშნავენ სკოლაში და ღონისძიების მნიშვნელობა სუსვამენ ხაზს.
იხილეთ ფოტოები:
