საჯარო სკოლებსა და საბავშვო ბაღებში სააღდგომო არდადეგები 12 აპრილს სრულდება. საგანმანათლებლო დაწესებულებები 13 აპრილიდან ჩვეულ რეჟიმში განაახლებენ სასწავლო და სააღმზრდელო პროცესს.

რაც შეეხება კერძო სკოლებს, ისინი თავად განსაზღვრავენ არდადეგების ხანგრძლივობას. იმის გათვალისწინებით, რომ კერძო სკოლების ნაწილში საგაზაფხულო არდადეგები არ ყოფილა, ზოგიერთი ზოგადსაგანმანათლებლო დაწესებულება სწავლას 20 აპრილს განაახლებს.

შეგახსენებთ, რომ სასწავლო წლის განმავლობაში არსებული დასვენების დღეები, ასევე არდადეგები, წინასწარ არის განსაზღვრული და კანონით რეგულირდება.

2025-2026 სასწავლო წლის კალენდარი