ქუთაისის N40 საჯარო სკოლის მე-4 კლასის მოსწავლეებისთვის, მარინა მასწავლებლის ხელმძღვანელობით, ნამდვილი საგანმანათლებლო დღესასწაული მოეწყო.
ჩატარდა შემაჯამებელი პროექტ-გაკვეთილი, სადაც მოსწავლეებმა კიდევ ერთხელ გაიაზრეს ჩვენი ქვეყნის სულიერი და მატერიალური სიმდიდრე. „რა განძი გვქონია, რა მხნე, რა მდიდარი...“ - აღფრთოვანდნენ მოსწავლეები და იმოგზაურეს ჩვენს ფესვებთან.
როგორც სკოლაში გვეუბნბებიან, პროექტის მიზანი იყო მოსწავლეებში ეროვნული თვითშეგნების გაღვივება და ჩვენი ქვეყნის მრავალფეროვანი მემკვიდრეობის მიმართ პასუხისმგებლობის გრძნობის ჩამოყალიბება.
საგაკვეთილო პროცესი დაეყრდნო ჯგუფური მუშაობისა და კვლევის მეთოდოლოგიას.
„პროექტმა თვალსაჩინოდ აჩვენა, თუ როგორ შეუძლია თეორიულ ცოდნას გარდაისახოს ემოციურ გამოცდილებად. მოსწავლეებმა არა მხოლოდ შეისწავლეს ფაქტები, არამედ გულით იგრძნეს ის დიდი პასუხისმგებლობა, რასაც წინაპრების დანატოვარი სიმდიდრის მოფრთხილება ჰქვია. ვამაყობთ ჩვენი პატარა მკვლევარებით, რომლებმაც კიდევ ერთხელ დაგვარწმუნეს, რომ ჩვენი მომავალი საიმედო ხელშია“ ,- აღნიშნავენ სკოლაში.
იხილეთ ფოტოები:
