
ნინოწმინდის მუნიციპალიტეტის სოფელ ეფრემოვკის საჯარო სკოლაში აღდგომის დღესასწაულთან დაკავშირებით ლამაზი ღონისძიება გაიმართა.
ღონისძიება საინტერესოდ, ზარ-ზეიმით წარიმართა და მთელი სკოლა გააერთიანა. ღონისძიებაში მონაწილეობდნენ როგორც მოსწავლეები, ისე მასწავლებლები.
როგორც სკოლაში გვიყვებიან, მოსწავლეებმა წარმოადგინეს წმინდა აღდგომის არსი და მნიშვნელობა, გაამახვილეს ყურადღება ქრისტეს აღდგომის იდეაზე, როგორც სიყვარულის, იმედისა და ახალი ცხოვრების სიმბოლოზე.
ღონისძიების ფარგლებში შესრულდა სააღდგომო სიმღერები და ეროვნული ცეკვები, რამაც შექმნა ღონისძიების ოფიციალური და სადღესასწაულო გარემო.
იხილეთ ფოტოები: