მესტიის მუნიციპალიტეტის სოფელ ჭუბერის საჯარო სკოლის მოსწავლეები ინგლისურ ენას სიღრმისეულად სწავლობენ, ცოდნასა და შესაძლებლობებს კი სხვადასხვა კონკურსში წარმოაჩენენ.
ამჯერად სკოლაში, მე-8 კლასის მოსწავლე ანა ნიგურიანისა და მე-10 კლასელი მარიამ ჩხვიმიანის წარმატებას აღნიშნავენ. მოსწავლეებმა წარმატებით იასპარეზეს ინგლისური ენის ონლაინ ოლიმპიადა - „ლინგოსთარის“ მე-2 ტურში.
სკოლის დირექცია და პედაგოგები მოსწავლეებს წარმატებას ულოცავენ და ცოდნის ახალი მწვერვალების დაპყრობას უსურვებენ.
„ინგლისური ენის ონლაინ ოლიმპიადის Lingostar- ლინგოსთარის 2026 წლის გაზაფხულის სეზონის მონაწილეებს, ჭუბერის საჯარო სკოლის მე-8 კლასის მოსწავლე ანა ნიგურიანს და მე-10 კლასის მოსწავლე მარიამ ჩხვიმიანს და მათი ინგლისური ენის პედაგოგებს ვულოცავთ მე-2 ტურში მიღწეულ წარმატებას!“,- აღნიშნავენ სკოლაში.
იხილეთ ფოტოები:
