პატარა დიდოსტატები დადეშის საჯარო სკოლიდან - I და II კლასების მოსწავლეებმა მუნიციპალურ საჭადრაკო ოლიმპიადაში პირველი ადგილი დაიკავეს
02-04-2026
28 მარტს, ახალქალაქის მუნიციპალიტეტში გამართულ ჭადრაკის ოლიმპიადაზე, სოფელ დადეშის საჯარო სკოლის მოსწავლეებმა ბრწყინვალედ იასპარეზეს.
განსაკუთრებული წარმატება ხვდათ წილად სკოლის ყველაზე უმცროს მოჭადრაკეებს. I და II კლასების მოსწავლეებმა - დანიელ თოსუნიანმა, ვაზგენ თოსუნიანმა, ოფელია მარტიროსიანმა და არფი თოსუნიანმა მუნიციპალურ ტურში პირველი ადგილი დაიკავეს.
ამ გამარჯვებით პატარა დიდოსტატებმა საგზური მოიპოვეს და ასპარეზობას უკვე რეგიონალურ ტურზე გააგრძელებენ.
„ვულოცავთ ჩვენს ნიჭიერ ბავშვებს ამ მნიშვნელოვან წარმატებას, ვამაყობთ მათი შემართებით და ვუსურვებთ მორიგ გამარჯვებას შემდეგ ეტაპზე!“,- აღნიშნავენ სკოლაში და მოსწავლეებს გულმხურვალედ გულშემატკივრობენ.
იხილეთ ფოტოები:
სკოლების სიახლეები
