27 მარტს, ქუთაისის N24 საჯარო სკოლაში თეატრის საერთაშორისო დღე აღინიშნა.
პირველ კლასში ეს დღე ნამდვილ სასწაულად იქცა. 1-ელი კლასის დამრიგებელმა - ნათია ბედინაშვილმა, ბავშვებს თოჯინების თეატრი მოუწყო.
მსახიობების როლი კი მე-4ბ კლასის მოსწავლეებმა მოირგეს და კრილოვის უკვდავი იგავ-არაკის - „მგელი და კრავი“ პრსონაჟები გააცოცხლეს.
თოჯინური სპექტაკლი პატარებისთვის მეტად შთმბეჭდავი აღმოჩნდა.
„პირველი ნაბიჯები სასკოლო ცხოვრებაში ყველაზე ჯადოსნურია, ამიტომ გადავწყვიტეთ, პატარებისთვის განსაკუთრებული საჩუქარი მიგვეძღვნა - მათი საკუთარი თოჯინების თეატრი!
დღეს ჩვენს პატარა სცენაზე ნამდვილი პრემიერა შედგა! განსაკუთრებული მადლობა მეოთხე "ბ" კლასის მოსწავლეებს (მასწავლებელი-თათია ჯინჭარაძე), რომლებმაც უფროსი მეგობრობა გაუწიეს პატარებს და ი. კრილოვის უკვდავი იგავ-არაკი „მგელი და კრავი“ გააცოცხლეს.
ანთებული თვალები, გაოცებული სახეები და პირველი ტაში - ეს დღე მხოლოდ დასაწყისია იმ დიდი გზისა, რომელიც პატარა სცენიდან დიდ სცენამდე მიდის. ხელოვნება გვასწავლის ფიქრს, ემპათიას და სიკეთეს“,- აღნიშნავენ სკოლაში და მოსწავლეებს კიდევ არაერთ შთამბეჭდავ შემოქმედებით აქტივობას ჰპირდებიან.
იხილეთ ფოტო-ვიდეომასალა:
