„ჩვენი თაობის არჩევანი“ - ჯვარის N1 საჯარო სკოლაში საინტერესო პროექტი განხორციელდა
27-03-2026
ლუდოვიკო ჭანტურიას სახელობის წალენჯიხის მუნიციპალიტეტის ქალაქ ჯვარის N1 საჯარო სკოლაში მოსწავლეთა წიგნიერების დონის ამაღლება და ამ გზით მათი თვალსაწიერის გაფართოება, ერთ-ერთი პრიორიტეტული საკითხია.
სწორედ წიგნის კითხვის მნიშვნელობის ხაზგასმას ემსახურებოდა პროექტი - „ჩვენი თაობის არჩევანი“.
მოსწავლეებმა საყვარელი წიგნების შესახებ ისაუბრეს და თანატოლებს განუმარტეს თუ რატომ უნდა წაიკითხონ ესა თუ ის ნაწარმოები.
„ყოველი კარგი წიგნი თვალწინ გვიშლის ახალ სამყაროს!“,- აღნიშნავენ სკოლაში და ახარებთ მოსწავლეთა ინტერესი მხატვრული ლიტერატურის მიმართ.
პროექტი ბიბლიოთეკარ მაია გეთიას ხელმძღვანელობით განხორციელდა.
იხილეთ ფოტოები:
სკოლების სიახლეები
