სოფიკო ჭიაურელის სახელობის ქალაქ თბილისის N54 საჯარო სკოლის მოსწავლეებისთვის საინტერესო, სასწავლო-შემეცნებითი გასვლითი ღონისძიება მოეწყო.
25 მარტს, მე-7ა კლასის მოსწავლეები, პედაგოგ ასმათ როსტიაშვილის ხელმძღვანელობით, იოსებ გრიშაშვილის სახელობის თბილისის ისტორიის მუზეუმს ესტუმრნენ.
ექსკურსიის ფარგლებში მათ მონაწილეობა მიიღეს საგანმანათლებლო პროგრამაში თემაზე - „ვახტანგ გორგასალი, ძლიერი მეომარი და თბილისის აღმშენებელი“. თეორიულ ნაწილში მოსწავლეები გაეცნენ მეფის მოღვაწეობას და მის ისტორიულ როლს. პრაქტიკულ ნაწილში კი მონაწილეობა მიიღეს ინტელექტუალურ თამაშში, ასევე შეასრულეს შემოქმედებითი დავალება - შექმნეს ვახტანგ გორგასლის მუზარადი.
გასვლითი ღონისძიება მოსწავლეებისთვის მეტად საინტერესო და სასწავლო-შემეცნებითთან ერთად სახალისო და თავშესაქცევი აღმოჩნდა. ბავშვებმა ცოდნა გაიმდიდრეს და თბილისის ისტორიის შესახებ მეტი შეიტყვეს.
იხილეთ ფოტოები:
