ჭიათურის მუნიციპალიტეტის სოფელ ითხვისის N2 საჯარო სკოლის მოსწავლეებმა გალაკტიონ ტაბიძის ცხოვრება და მოღვაწეობა ღონისძიებით გაიხსენეს.
17 მარტს, სკოლაში ქართული ენის კათედრის ეგიდით ინგა გამსახურდიშვილმა მოაწყო გალაკტიონის ხსოვნისადმი მიძღვნილი საღამო.
ღონისძიებაში მონაწილეობდნენ საბაზო და საშუალო საფეხურის მოსწავლეები. აღსანიშნავია, რომ გალაკტიონის გარდაცვალების დღე 17 მარტი წელსაც სამშაბათს დაემთხვა.
მოსწავლეებმა წაიკითხეს გალაკტიონის ლექსები, ეპიზოდები დიდი პოეტის მარტოსული ცხოვრებიდან, მოუსმინეს დიდი პოეტის მიერ წაკითხულ ლექსებს. კიდევ ერთხელ აღინიშნა, რამდენად მიუღებელია ხშირად დიდი ადამიანი საზოგადოებისათვის, საწყენია რომ მხოლოდ გარდაცვალების შემდეგ ვაფასებთ ჩვენს გვერდით მცხოვრებ „მგოსან მეფეებს“. საღამო ძალიან თბილ ვითარებაში წარიმართა. ბავშვებმა ბევრი ახალი რამ გაიგეს ჩვენი საამაყო პოეტის შესახებ.
იხილეთ ფოტოები:
