საქართველოს საპატრიარქოს წმიდა თამარ მეფის სახელობის სკოლა-გიმნაზიაში მოსწავლეები იღებენ არა მხოლოდ ხარისხიან საგნობრივ განათლებას, არამედ აქტიურად არიან ჩართულნი სხვადასხვა კონკურსებსა თუ ვიქტორინებში, რაც ბავშვების ინტელექტუალურ და ანალიტიკურ განვითარებას ემსახურება.
სკოლა-გიმნაზიაში ჩატარდა საზოგადოებრივი კათედრის მიერ ორგანიზებული ვიქტორინა.
ვიქტორინა საქართველოს პირველ დემოკრატიულ რესპუბლიკასა და 1921 წლის თებერვალ-მარტის მოვლენებს მიეძღვნა.
ვიქტორინაში მონაწილეობდნენ მე-9, მე-10 და მე-11 კლასის მოსწავლეებისგან დაკომპლექტებული გუნდები.
ღონისძიება მეტად საინტერესოდ, მოსწავლეთა მაღალი ჩართულობით წარიმართა. მოსწავლეებმა შესაძლებლობები წარმატებით წარმოაჩინეს და საქართველოს პირველ დემოკრატიულ რესპუბლიკასა და 1921 წლის თებერვალ-მარტის მოვლენების შესახებ ცოდნა გაიმდიდრეს.
იხილეთ ფოტოები:
