
ყაზბეგის მუნიციპალიტეტის სოფელ სიონის საჯარო სკოლის მოსწავლეები აქტიურად არიან ჩართულნი არაფორმალური განათლების პროექტებში, იძენენ ახალ ცოდნასა და გამოცდილებას.
მათ შორის აღსანიშნავია, Rooms Hotel Kazbegi-ში გამართული შეხვედრა, რომელშიც სკოლის მოსწავლეთა თვითმმართველობის წევრები მონაწილეობდნენ. შეხვედრა მოსწავლეებისთვის მეტად საინტერესო და ნაყოფიერი აღმოჩნდა.
„ზოგჯერ ერთი შეხვედრაც კი საკმარისია, რომ ბავშვებს დაუვიწყარი ემოციები და გამოცდილება აჩუქო. ჩვენი სკოლის მოსწავლეთა თვითმმართველობისთვის სწორედ ასეთი აღმოჩნდა თქვენთან სტუმრობა Rooms Hotel Kazbegi
უღრმესი მადლობა თქვენი გუნდის თითოეულ წევრს სითბოსთვის, ყურადღებისა და გულთბილი მასპინძლობისთვის. გმადლობთ, რომ მოსწავლეთა პრობლემებს მოუსმინეთ, მათი იდეები, მიზნები გაიზიარეთ და უკეთესი მომავლის იმედი ჩაუსახეთ“, - აღნიშნავენ სკოლაში და მადლობას უხდიან Rooms Hotel Kazbegi-ს მასპინძლობისთვის.