„ვზრუნავთ გარემოზე, რომ გვქონდეს სუფთა წყალი“ - გუდაურის საჯარო სკოლის მოსწავლეები ბუნებრივი რესურსების დაცვის სადარაჯოზე
20-03-2026
ყაზბეგის მუნიციპალიტეტის სოფელ გუდაურის საჯარო სკოლის მოსწავლეები საგნობრივი სწავლების ფარგლებში ფასეულ ღირებულებებსაც სწავლობენ. ამჯერად, კი ქართული ენისა და ლიტერატურის გაკვეთილზე გარემოს დაცვის მნიშვნელობა გაიაზრეს.
ბავშვებმა ი.სიხარულიძის ლექსი - „ვისი ხარ, წყაროვ, ვისი“ შეისწავლეს და გაეცნენ დამატებით ტექსტს ნ.კუპრავას - წყაროს ამბავს“. მოსწავლეებმა ასევე ნახეს სასწავლო ვიდეორესურსი წყლის - წყაროს წყლის სიკეთის შესახებ.
მოსწავლეებმა ნათლად გაიაზრეს თუ რაოდენ მნიშვნელოვანია ბუნებრივი რესურსები და რატომ უნდა ვიზრუნოთ მათ შენარჩუნებაზე.
„ვზრუნავთ გარემოზე, რომ გვქონდეს სუფთა წყალი“,- აღნიშნეს ერთხმად მოსწავლეებმა და თანატოლებსაც ბუნების დაცვისკენ მოუწოდეს.
იხილეთ ფოტო-ვიდეომასალა:
სკოლების სიახლეები
