წალკის მუნიციპალიტეტის სოფელ ხარების საჯარო სკოლაში მეტად საინტერესო სასწავლო პროცესი მიმდინარეობს. პედაგოგები მოსწავლეებს მრავალფეროვან აქტივობებს სთავაზობენ და გაკვეთილებს უმრავალფეროვნებენ.
ახლახან, მე-9 კლასში ჩატარდა შემოქმედებითი ხასიათის დავალება ნიკოლოზ ბარათაშვილის პოემაზე - „ბედი ქართლისა“.
მოსწავლეებმა პირველ ეტაპზე შეისწავლეს ავტორის ბიოგრაფია, პოემის შექმნის კონტექსტი და მე-19 საუკუნის საქართველოს რთული სოციალურ-პოლიტიკური ვითარება, გააანალიზეს მე-18 საუკუნეში ქართლ-კახეთის პოლიტიკური ორიენტაცია, ისტორიული არჩევანი და შედეგები, ცოდნის ორგანიზებისთვის მოსწავლეებმა მოძიებული მასალა წარმოადგინეს პრეზენტაციის სახით,ბოლოს კი შექმნეს საბოლოო პროდუქტი - პოსტერი.
„ვფიქრობ, მოსწავლეებმა სიღრმისეულად გაიაზრეს ავტორისა და ეპოქის ურთიერთდამოკიდებულება, მადლობას ვუხდი მათ მაქსიმალური ჩართულობისთვისა და მონდომებისთვის!“,- აღნიშნავს მოსწავლეთა პედაგოგი და ახარებთ მოსწავლეთა ენთუზიაზმი და მონდომება.
იხილეთ ფოტოები:
