ითხვისის N2 სკოლის მოსწავლეები სასწავლო-შემეცნებითი ტურით დედაქალაქს სტუმრობდნენ
18-03-2026
ჭიათურის მუნიციპალიტეტის სოფელ ითხვისის N2 საჯარო სკოლის მოსწავლეებმა საგაზაფხულო არდადეგები ნაყოფიერად გაატარეს.
მოსწავლეები სასწავლო-შემეცნებითი ტურით დედაქალაქს სტუმრობდნენ: დაათვალიერეს საქართველოს ეროვნული მუზეუმი, ჰოლოზეუმი, მეტეხიდან გადმოხედეს ძველ თბილისს, მთაწმინდის პანთეონში პატივი მიაგეს დიდი ადამიანების ხსოვნას.
როგორც სკოლაში აღნიშნავენ, საინტერესო ინფორმაციით დატვირთულმა დღემ წარუშლელი შთაბეჭდილება დატოვა ბავშვების მეხსიერებაში.
„მე-2 საჯარო სკოლის მასწავლებლებმა და მოსწავლეებმა კარგად გამოიყენეს საგაზაფხულო არდადეგები“,- აღნიშნავენ სკოლაში და ახარებთ მოსწავლე-მასწავლებელთა აქტიურობა.
იხილეთ ფოტოები:
სკოლების სიახლეები
