მიხეილ ჯავახიშვილის სახელობის ქალაქ თბილისის N124 საჯარო სკოლაში ლამაზი ღონისძიება გაიმართა, რომელიც ყველაზე ძვირფასი ადამიანების - დედების მიმართ სითბოსა და სიყვარულის გაზიარებას ემსახურებოდა.
მე-2დ კლასის მოსწავლეებმა გამართეს ემოციური და გულწრფელი ღონისძიება სახელწოდებით: „დედავ - სიცოცხლის დიდო საწყისო“.
პატარებმა ლექსებით, სიმღერებითა და გულით ნათქვამი სიტყვებით დამსწრე საზოგადოებას კიდევ ერთხელ შეახსენეს, რამდენად დიდი ძალა და მნიშვნელობა აქვს დედის სიყვარულს.
ღონისძიებას ხელმძღვანელობდა კლასის დამრიგებელი აზა ქარქაშაძე, რომელიც მოსწავლეებს საგნებთან ერთად სითბოსა და სიყვარულის გაზიარებას ასწავლის.
„განსაკუთრებული სითბოთი და სიყვარულით აღვნიშნეთ დედის დღე. მადლობა ყველა დედას უსაზღვრო სიყვარულისთვის, ზრუნვისა და თავდადებისთვის.
გისურვებთ ჯანმრთელობას, ბედნიერებას და მუდამ თქვენი შვილების წარმატებებით გახარებულ გულს“,- აღნიშნავენ სკოლაში.
იხილეთ ფოტოები და ვიდეო
