საქართველოს საპატრიარქოს წმიდა თამარ მეფის სახელობის სკოლა-გიმნაზიაში დედის დღე მასშტაბურად აღინიშნა.
გაიმართა კვირეული, რომლის ფარგლებშიც არაერთ კლასში საზეიმო ღონისძიება გაიმართა.
მათ შორის, დედის დღის კვირეულის ფარგლებში, სკოლა-გიმნაზიის IIIა კლასის მოსწავლეებმა, დამრიგებლის - მადონა ვარდოშვილის ხელმძღვანელობით, 3 მარტის მისალოცი ღონისძიება გამართეს.
მოსწავლეები დამსწრე საზოგადოების წინაშე ლამაზი სანახაობით წარდგნენ და საყვარელ ქალბატონებს სიყვარული და პატივისცემა შემოქმედებით დაუდასტურეს.
დედებს ღონისძიებით შეასხეს ხოტბა IIIგ კლასის მოსწავლეებმა. ბავშვებმა, დამრიგებლის ნარგიზ შელიას ხელმძღვანელობით, მრავალფეროვანი საზეიმო პროგრამა წარმოადგინეს, აღნიშნეს დედის ამაგი და ხაზი გაუსვეს მის როლს მომავალი თაობების აღზრდა-განათლების საქმეში.
ღონისძიებები შთამბეჭდავად წარიმართა და დამსწრე საზოგადოებას დაუვიწყარი წუთები და ემოციები აჩუქა.
იხილეთ ფოტოები:
