ნინოწმინდის მუნიციპალიტეტის სოფელ გორელოვკის N3 საჯარო სკოლაში ქალთა საერთაშორისო დღე განსაკუთრებული სითბოთი და სიყვარულით აღინიშნა.
მოსწავლეებმა ლექსებით, სიმღერებითა და ცეკვებით მიულოცეს დედებს, ბებიებსა და მასწავლებლებს ეს ლამაზი დღე. ღონისძიება, სახელწოდებით - „ქალი - მზის სხივი!“, სავსე იყო ემოციებით, მადლიერებითა და პატივისცემით ქალის მიმართ - იმ ადამიანის მიმართ, რომელიც სიყვარულით, ძალითა და სიბრძნით ამშვენებს სამყაროს.
ღონისძიება თბილ და სიყარულით სავსე გარემოში წარიმართა და დამსწრე საზოგადოებას დაუვიწყყარი წუთები და ემოციები აჩუქა.
ღონისძიებას ორგანიზება გაუწიეს მასწავლებლებმა - თამარ გორგაძემ და ნუგზარ მარკოიძემ.
„კიდევ ერთხელ ვულოცავთ ყველა ქალს ამ მშვენიერ დღეს! გისურვებთ ჯანმრთელობას, ბედნიერებასა და უსასრულო სიყვარულს.
მადლობა მასწავლებლებს - თამარ გორგაძესა და ნუგზარ მარკოიძეს, რომელთაც გაუწიეს ორგანიზება.
მადლობა ჩვენი სკოლის უნიჭიერეს მოსწავლეებს!“,- აღნიშნავენ სკოლაში და ღონისძიების ამსახველ კადრებს გვიზიარებენ.
იხილეთ ფოტოები:
