ნინოწმინდის მუნიციპალიტეტის სოფელ გორელოვკის N3 საჯარო სკოლის მათემატიკის მასწავლებლის - თამილა ირემაშვილის ორგანიზებით, ჩატარდა მათემატიკის მუნიციპალური კონფერენცია სახელწოდებით - „თეორია პრაქტიკაში“.
კონფერენციაში მონაწილეობდა შვიდი სკოლა. მოსწავლეებმა წარმოადგინეს საინტერესო და მრავალფეროვანი თემები, სადაც ნათლად წარმოაჩინეს მათემატიკის თეორიის პრაქტიკაში გამოყენება.
მოხსენებები მოიცავდა შემდეგ თემებს:
- ვექტორების პრაქტიკული გამოყენება;
- შენობის პროექტის გათვლები და სიზუსტეები;
- გეომეტრიული ფიგურები - პატარა დეტალების დიდი საუდუმლო;
- პროპორციები - პრაქტიკული ინსტრუმენტი;
- მონაცემთა ანალიზისა და სტატისტიკის პრაქტიკული გამოყენება;
- კუთხეები და მათი პრაქტიკული გამოყენება;
- ფიბონაჩის მიმდევრობა და ოქროს კვეთა;
- ფუნქციისა და პითაგორას თეორემის პრაქტიკული გამოყენება;
- პითაგორას თეორემა პრაქტიკაში.
ღონისძიებას ჰყავდა ჟიური, რომლის წევრებმაც წინასწარ შედგენილი შეფასების კრიტერიუმების მიხედვით შეაფასეს მონაწილე მოსწავლეების მიერ წარმოდგენილი თემები.
კონფერენცია საინტერესოდ წარიმართა და მოსწავლეებსთვის მეტად ინფორმაციული და სასწავლო -შემეცნებითი აღმოჩნდა.
„პრეზენტაციებმა კიდევ ერთხელ დაგვანახა, თუ რამდენად მნიშვნელოვანი და საინტერესოა მათემატიკა ყოველდღიურ ცხოვრებაში. მსგავსი ღონისძიებები ხელს უწყობს მოსწავლეებში კვლევითი უნარების განვითარებას, ცოდნის გაღრმავებას და გამოცდილების გაზიარებას.
ვულოცავ გამარჯვებულებს და წარმატებებს ვუსურვებთ მომავალშიც.
მადლობა რესურსცენტრს გვერდში დგომისა და დახმარებისათვის!
მადლობა ყველა მონაწილე სკოლას, მასწავლებელს, მოსწავლეს! მუდამ საინტერესო აქტივობები, აქტიურობა სასკოლო ცხოვრებაში!“,- აღნიშნავენ სკოლაში და ღონისძიების მნიშვნელობას უსვამენ ხაზს.
