ხაშურის მუნიციპალიტეტის ნაბახტევის საჯარო სკოლაში კომპლექსური დავალებებით სწავლება წარმატებით მიმდინარეობს.
ახლახან, მუსიკის პედაგოგმა, მაია რიჟამაძემ (ესთეტიკა ეთიკა-სპორტის კათედრა) მე-2 კლასში ჩაატარა კომპლექსური დავალება თემაზე: “წელიწადის დროები”.
მოსწავლეებმა მოუსმინეს მუსიკის ფრაგმენტებს და შეუსაბამეს წელიწადის დროების ამსახველ ბუნების სურათებს. მოსწავლეებმა შეადარეს თავიანთი და კომპოზიტორის ვერსიები. მოსმენილი ფრაგმენტები მიუსადაგეს სურათებს და დანომრეს.
სასწავლო პროცესი კითხვა-პასუხის რეჟიმში გაგრძელდა - მოსწავლეებმა ხალისით უპასუხეს კითხვებს. დაასახელეს რომელი ფრაგმენტი შეესაბამება ბუნების გამოღვიძებას, რა განწყობაა სურათზე-მხიარული თუ სევდიანი, რომელ ფრაგმენტში ისმის ჩიტების ჭიკჭიკი, რომელი ფრაგმენტი მიუსადაგეს შემოდგომის სურათს და უნდა შემოეხაზათ წიგნში მოცემული სიტყვები: მხიარული, სევდიანი, მშვიდი, იდუმალი, ენერგიული.
შეასრულეს თავიანთი ხელით დახატეს წელიწადის დროები და წარუდგინეს კლასს.
გაკვეთილი წარიმართა საინტერესოდ. ბოლოს მოსწავლეებმა უპასუხეს მასწავლებლის დასმულ კითხვებს: საინტერესო იყო თუ არა დავალების შესრულება? დაეხმარათ თუ არა ხმების და ბგერის თვისებები? მოსმენილი მუსიკით დაეხმარათ თუ არა გამოეცნოთ წელიწადის დროები?.
„ამით მოსწავლეებს უვითარდებათ მუსიკის მოსმენისა და შინაარსის წვდომის უნარ-ჩვევები, წარმოსახვის, თვითშემოქმედების უნარი“,- აღნიშნავენ სკოლაში და მოსწავლეებს კიდევ არაერთ შემოქმედებით დავალებას ჰპირდებიან.
იხილეთ ფოტოები:
