ნინოწმინდის მუნიციპალიტეტის სოფელ გორელოვკის N3 საჯარო სკოლის მოსწავლეები პატრიოტულ მოტივებზე იზრდებიან. 

რაღა თქმა უნდა, სკოლაში გამოეხმაურნენ საბჭოთა ოკუპაციის დღეს. 

მოსწავლეებმა 1921 წლის 25 თებერვლის ტრაგიკული მოვლენები ღონისძიებით გაიხსენეს. 

მოსწავლეებმა ნახეს დოკუმენტური ფილმი, რომელიც ასახავს წითელი არმიის მიერ საქართველოს ოკუპაციას. 

მოსწავლეებმა შეიტყვეს გმირობის ისტორიები, ქართველთა თავგანწირული ბრძოლები თბილისის დასაცავად.

მოსწავლეებმა კიდევ ერთხელ გაიაზრეს, რამდენად ძვირფასია დამოუკიდებლობა და რამდენად მნიშვნელოვანია ისტორიის ცოდნა, რათა პატივი მივაგოთ წარსულს და ვიზრუნოთ ქვეყნის მომავალზე.

შეგახსენებთ რომ, 25 თებერვალს, საქართველოში საბჭოთა ოკუპაციის ტრაგიკულ დღეს ვიხსენებთ. წელს საბჭოთა ოკუპაციიდან 105 წელი გავიდა. 1921 წლის 25 თებერვალს წითელმა არმიამ თბილისი დაიკავა.