წნორის N3 საჯარო სკოლის მე-10 კლასელებმა, ბიოლოგიის გაკვეთილზე, პედაგოგ ირმა დუღაშვილის ხელმძღვანელობით, თემა - უჯრედული მეტაბოლიზმი, შეაჯამეს. 

მოსწავლეებმა პრეზენტაციების სახით წარმოადგინეს უჯრედში მიმდინარე სხვადასხვა მეტაბოლური პროცესი. მოსწავლეებმა ისაუბრეს ენერგიის გარდაქმნაზე, ნივთიერებათა ცვლასა და იმ მნიშვნელოვან ბიოქიმიურ რეაქციებზე, რომლებიც უჯრედის სიცოცხლისუნარიანობას უზრუნველყოფს.

თითოეული პრეზენტაცია მოიცავდა თვალსაჩინო მასალასა და განმარტებებს. გაკვეთილი გამოირჩეოდა ინტერაქტიული მიდგომითა და მრავალფეროვანი აქტივობებით, რამაც მოსწავლეებს შესაძლებლობა მისცა თემა მეტად საინტერესოდ შეეჯამებინათ. 

აღსანიშნავია, რომ მსგავსი ფორმატის სწავლება ხელს უწყობს მოსწავლეთა ჩართულობას, კვლევით აზროვნებასა და ცოდნის პრაქტიკულ გააზრებას.