დედოფლისწყაროს მუნიციპალიტეტის სოფელ ფიროსმანის საჯარო სკოლის პედაგოგები მოსწავლეებს მეტად საინტერესო სასწავლო პროცესს სთავაზობენ და სწავლებისას მრავალფეროვან მეთოდებსა და სტრატეგიებს მიმართავენ.
აღსანიშნავია, 24 თებერვალს VII კლასში ჩატარებული ინტეგრირებული გაკვეთილი, რომელიც გეოგრაფიისა და ინგლისური ენის გაერთიანებით წარიმართა და მისი თემა იყო - Climate Change (კლიმატის ცვლილება)
როგორც სკოლაში გვეუბნებიან, გაკვეთილის მიზანი იყო მოსწავლეებში კლიმატის ცვლილების მიზეზებისა და შედეგების გააზრება, გარემოს დაცვის მნიშვნელობის გაცნობიერება და თემასთან დაკავშირებული ინგლისურენოვანი ტერმინოლოგიის განვითარება.
მოსწავლეებმა იმსჯელეს კლიმატის ცვლილების გამომწვევ ფაქტორებზე, გლობალურ დათბობაზე და გარემოზე ადამიანის ზემოქმედებაზე. აქტივობების ფარგლებში მათ გამოიყენეს ინგლისური ენა თემასთან დაკავშირებული სიტყვებისა და წინადადებების შესადგენად, იმუშავეს ჯგუფურად და წარმოადგინეს მცირე პრეზენტაციები.
გაკვეთილის დასასრულს ნახეს ვიდეორგოლი: მაიკლ ჯეკსონის - „დედამიწა“. Michael Jackson's earth
„გაკვეთილმა ხელი შეუწყო როგორც საგნობრივი ცოდნის გაღრმავებას, ასევე კომუნიკაციური და თანამშრომლობითი უნარების განვითარებას“,- გვეუბნებიან ხელმძღვანელი პედაგოგები.
სასწავლო პროცესს ხელმძღვანელობდნენ მასწავლებლები - ლეილა ტარიელაძე (ინგლისური ენა) და ლეილა ბუთხუზი (გეოგრაფია).
იხილეთ ფოტოები:
