დედოფლისწყაროს მუნიციპალიტეტის, ფიროსმანის საჯარო სკოლა გაგვაცნობს მე-3 კლასის მოსწავლეს, დავით სურმანიძეს, რომელიც „ეტალონისა“ და izrune.ge-ს არაერთი ოლიმპიადის გამარჯვებულია, სკოლაში კი აღნიშნავენ, რომ ეს მიღწევები მის შრომისმოყვარეობაზე, ასევე მიზანდასახულობაზე მეტყველებს.
გთავაზობთ პასუხებს ბლიც-კითხვებზე, რომლებიც ფიროსმანის საჯარო სკოლის მოსწავლეს უკეთ გააცნობს საზოგადოებას.
დავითს სწავლაში ყველაზე მეტად უყვარს...
- ახალი ინფორმაციის მიღება და საინტერესო დავალებების შესრულება.
სკოლაში დავითს განსაკუთრებით კარგად გამოსდის...
- საგაკვეთილო პროცესში აქტიურობა - ყოველთვის სწორად პასუხობს შეკითხვებს და მიღებულ ცოდნას პრაქტიკაშიც იყენებს.
დავით სურმანიძე შრომისმოყვარე და მიზანდასახული მოსწავლეა, რადგან...
- ყოველთვის მონდომებით ასრულებს დავალებებს და ცდილობს, საუკეთესო შედეგის მიღწევას.
სწავლა მისთვის საინტერესოა, რადგან...
- ცოდნის მიღება ეხმარება განვითარებაში და ახალი წარმატებების მიღწევაში.
უნარი, რომელიც დავითს სხვა მოსწავლეებისგან გამოარჩევს, არის...
- სწრაფი აზროვნება, კარგი მეხსიერება და მიზნისკენ შეუპოვრად სწრაფვა.
მთავარი პიროვნება დავითის ცხოვრებაში არის...
- მშობლები, რომლებიც, მისივე განმარტებით, აძლევენ ძალას, გადალახოს დაბრკოლებები.
