მარტვილის მუნიციპალიტეტის სოფელ ონოღიას საჯარო სკოლაში საბჭოთა ოკუპაციის დღეს საინტერესო საგანმანათლებლო ღონისძიებით გამოეხმაურნენ.

სკოლის მე-9 კლასის მოსწავლეებმა, 1921 წლის 25 თებერვლის ტრაგიკულ მოვლენებს მიუძღვნეს საინტერესო პრეზენტაცია, რომლის თემა იყო - „შემოდიოდა სიკვდილი ცელით“. 

მოსწავლეებმა რუსეთის წითელი არმიის მიერ საქართველოს ოკუპაციის შესახებ დეტალური ინფორმაცია მოიძიეს და ისტორიის მასწავლებლის - თანგული დარჯანიას ხელმძღვანელობით, აუდიტორიის წინაშე წადადგინეს. 

ღონისძიებაზე მხატვრულად წაიკითხა ლექსი ამავე კლასის მოსწავლემ ლიკა ჯიქიამ. 

შეგახსენებთ რომ, 25 თებერვალს, საქართველოში საბჭოთა ოკუპაციის ტრაგიკულ დღეს ვიხსენებთ. წელს საბჭოთა ოკუპაციიდან 105 წელი გავიდა. 1921 წლის 25 თებერვალს წითელმა არმიამ თბილისი დაიკავა.