თბილისის N219 საჯარო სკოლაში გრძელდება საგნობრივი კათედრების კვირეულები.
23-დან 27 თებერვლის ჩათვლით საზოგადოებრივი მეცნიერებების კათედრის მასწავლებლებმა - მაია ავალიშვილმა, ნანა გიგაურმა და ლია იობაშვილმა ჩაატარეს კვირეული, რომლის ფარგლებში სასკოლო საზოგადოებას კიდევ ერთხელ შეახსენეს რუსეთის მიერ,1921 წლის 25 თებერვალს, საქართველოს დაპყრობა.
კვირეულის თემატიკიდან გამომდინარე, 23 თებერვალს იუნკერთა ხსოვნის დღეს, სკოლის ფოიეში მოეწყო მოსწავლეთა ნამუშევრების გამოფენა, სადაც წარმოდგენილი იქნა, მოსწავლეების მიერ შესრულებული, მარო მაყაშვილის, შალვა ერისთავის, გიორგი მაზნიაშვილის პორტრეტები, ასევე საქართველოს ოკუპაციის თემასთან დაკავშირებული ნახატები. გამოიფინა საქართველოს დემოკრატიული რესპუბლიკის და დღევანდელი საქართველოს დროშები.
24 თებერვალს ჩატარდა კონფერენცია თემაზე - „ჩემი თვალით დანახული 25 თებერვალი“, სადაც მოსწავლეებმა წარმოადგინეს ესეები.
25 თებერვალს, მე- 9 კლასში ჩატარდა ღია გაკვეთილი ისტორიაში, აღნიშნულ თემაზე.
26 თებერვალს მე-10 კლასის მოსწავლეები ესტუმრნენ ს. ჯანაშიას სახელობის ეროვნულ მუზეუმს, სადაც ნახეს ჩვენი ქვეყნის უნიკალური საგანძური და დაათვალიერეს ოკუპაციის დარბაზი.
27 თებერვალს ჩატარდა კვირეულის დასკვნითი პრეზენტაცია - „საქართველოს ოკუპაცია - 1921წლის 25 თებერვალი“, სადაც მონაწილეობდნენ IX, X და XI კლასის მოსწავლეები. მათ წარმოადგინეს საქართველოში 1918 - 1921 წლებში მიმდინარე მოვლენები, ყურადღება გაამახვილეს ისტორიული ფაქტების მნიშვნელოვან საკითხებზე.
„მადლობა საზოგადოებრივი მეცნიერებების კათედრის მასწავლებლებს საინტერესო აქტივობებისთვის, მოსწავლეებს მონაწილეობისთვის, ხოლო, სკოლის ადმინისტრაციას პროცესების მართვაში მხარდაჭერისათვის. მოსწავლეები მონდომებითა და ინტერესით ჩაერთნენ როგორც ფორმალურ, ასევე არაფორმალური განათლების აქტივობებში, რამაც გაზარდა სწავლის მოტივაცია და გაააქტიურა მოსწავლეთა შემოქმედებითი უნარები“,- აღნიშნავენ სკოლაში.
