
მარტის დადგომასთან ერთად, აბიტურიენტები ერთიან ეროვნულ გამოცდებზე რეგისტრაციის გამოცხადებას ელიან - ტრადიციულად, ეს პროცესი გაზაფხულის პირველი თვის პირველივე კვირაში იწყება ხოლმე, თუმცა ამჯერად მსგავსი ინფორმაცია არ გავრცელებულა.
დეტალების დასაზუსტებლად etaloni.ge შეფასებისა და გამოცდების ეროვნულ ცენტრს დაუკავშირდა. ცხელ ხაზზე განგვიმარტეს, რომ 15 მარტისთვის დეტალები უკვე ცნობილი იქნება:
„15 მარტისთვის გარკვეული იქნება ყველაფერი და დაგვიკავშირდით... თუ არადა, 20 მარტიდან ჩვენი გვერდი აკონტროლეთ“.
სავარაუდოდ, რეგისტრაციების გადავადება დაკავშირებულია უმაღლესი განათლების რეფორმის თანმდევ ცვლილებებთან, რომელიც სახელმწიფო სასწავლებლებში პროგრამების გადანაწილებასა და კვოტორებებს ეხება.