თელავის მუნიციპალიტეტის სოფელ იყალთოს საჯარო სკოლის მოსწავლეები საინტერესო ინიციატივებით გამოირჩევიან. ახალგაზრდების საგანმანათლებლო იდეები კი დირექციისა და პედაგოგთა მხრიდან წახალისებული და მხარდაჭერილია.  

ახლახან, სკოლაში, თვითმმართველობის თავმჯდომარის - მარიამ ლაჩაშვილის თაოსნობით ჩატარდა ინტელექტუალური ვიქტორინა.

ვიქტორინა საინტერესოდ, მოსწავლეთა მაღალი ჩართულობით წარიმართა. 

ღონისძიებაში მონაწილეობდნენ სხვადასხვა კლასის მოსწავლეები, რომლებმაც საკუთარი ცოდნა და შესაძლებლობები სხვადასხვა მიმართულებით გამოავლინეს.