არევ გაბრიელიანი ახალქალაქის მუნიციპალიტეტის სოფელ დილისკის N1 საჯარო სკოლის პედაგოგია, რომელიც პროფესისა და მოსწავლეთა სიყვარულით გამოირჩევა. 

პროფესიის არჩევაზე სწორედ ბავშვებთან უერთიერთობის ბედნიერებამ იქონია გავლენა, დღეს კი მოსწავლეთა აღზრდა-განათლებას გულანთებული ემსახურება. 

etaloni.ge-ს ბლიც-კითხვებს დილისკის N1 საჯარო სკოლის პედაგოგი არევ გაბრიელიანი პასუხობს. 

- მოსწავლეს პასუხისმგებლობას ვასწავლით მაშინ, როდესაც ...

- არ იცის თუ რა არის პასუხისმგებლობა.

- მოსწავლეს წარმატებისკენ უბიძგებს...

- როდესაც აქვს პასუხისმგებლობის გრძნობა.

- სკოლა მოსწავლეს უნდა აძლევდეს არა მხოლოდ ცოდნას, არამედ...

- ცხოვრების წესებიც უნდა ასწავლონ.

- მოსწავლეებს შორის მეგობრობა მნიშვნელოვანია, რადგან...

- უნდა იცოდნენ თუ რამდენად არის მნიშვნელოვანი მეგობრობა ცხოვრების განმავლობაში.

- სწავლა ხდება საინტერესო, როდესაც...

- თემა არის საინტერესო და გასაგები.

- უნარი, რომელსაც ყველა მოსწავლე უნდა ფლობდეს...

- სწავლის უნარია.

- ჩემი პროფესიის არჩევაზე ყველაზე დიდი გავლენა მოახდინა...

- პროფესიის არჩევაზე ყველაზე დიდი გავლენა მოახდინა იმან, რომ ძალიან მიყვარს ბავშვები და ბავშვებთან მუშაობა.