პტენის საჯარო სკოლის მე-2 კლასელთა საქველმოქმედო სპექტაკლი
25-02-2026
ახალქალაქის მუნიციპალიტეტის სოფელ პტენის საჯარო სკოლის პედაგოგები მოსწავლეებს საგნებთან ერთად ემპათიას, კაცთმოყვარეობასა და სიკეთის კეთებას ასწავლიან.
ახლახან, მე-2 კლასელებმა საინტერესო კომპლექსურ დავალებაზე იმუშავეს, რომლის თემა იყო, ფულის ერთეულები, რიგები, საათის ცნობა.
კომპლექსურ დავალებას საქველმოქმედო ღონისძიება მოჰყვა. პედაგოგ ვარა გალიბინის ხელმძღვანელობით, მე-2 კლასელებმა საქველმოქმედო სპექტაკლი დადგეს. პატარებმა სცენაზე - „წითელქუდა“ და „ჭიანჭველა და ფუტკარი“ გააცოცხლეს.
სპექტაკლებიდან შემოსული თანხა ქველმოქმედებას მოხმარდა. თანხა ბერი ანდიას სახელობის საქველმოქმედო ფონდში გადაირიცხა.
იხილეთ ფოტოები:
სკოლების სიახლეები
