ჩხოროწყუს მუნიციპალიტეტის ნაფიჩხოვოს თემის საჯარო სკოლაში დირექტორი დარეჯან კვაშილავა ქმნის გარემოს, სადაც ბავშვები პასუხისმგებლობას სწავლობენ, მიზნებისკენ სვლას ეჩვევიან და ცხოვრებისთვის საჭირო უნარებს იძენენ.

როგორც სკოლის დირექტორი etaloni.ge-სთან ბლიც-ინტერვიუში აღნიშნავს, თანამედროვე სკოლამ უნდა შექმნას მხარდამჭერი და წამახალისებელი გარემო, სადაც მოსწავლეები აქტიურად არიან ჩართულნი სასწავლო პროცესში, თავისუფლად გამოხატავენ საკუთარ აზრს და იძენენ უნარებს, რომლებიც ცხოვრებისთვის ამზადებს. 

- მოსწავლეს პასუხისმგებლობას ვასწავლით მაშინ, როდესაც...

- ყურადღებით მიუდგება მასზე დაკისრებულ დავალებას და შეასრულებს კეთილსინდისიერად და დამოუკიდებლად.

- მოსწავლეს წარმატებისკენ უბიძგებს...

- მიზანდასახულობა, შრომისმოყვარეობა და მოტივაცია

- სკოლა მოსწავლეს უნდა აძლევდეს არა მხოლოდ ცოდნას, არამედ...

- უნდა განუვითაროს უნარები და მოამზადოს რათა მოერგოს ცხოვრების მომდევნო ეტაპებს.

- მოსწავლეებს შორის მეგობრობა მნიშვნელოვანია, რადგან...

- ხელს უწყობს თანამშრომლობის და კომუნიკაციის უნარებს, ეხმარება სოციალურ და ემოციურ განვითარებაში.

- სწავლა ხდება საინტერესო, როდესაც...

- მოსწავლე აქტიურად არის ჩართული პროცესში, აქვს საკუთარი აზრის გამოთქმის შესაძლებლობა. არსებობს მხარდაჭერა და წახალისება.

- უნარი, რომელსაც ყველა მოსწავლე უნდა ფლობდეს....

- პასუხისმგებლობის და კრიტიკული აზროვნების უნარი.

-  ჩემი პროფესიის არჩევაზე ყველაზე დიდი გავლენა მოახდინა...

- ჩემმა ინტერესებმა, შესაძლებლობებმა და იმ ადამიანებმა ვინც მხარს მიჭერდნენ და მოტივაციას მაძლევდნენ.