ნაბახტევის საჯარო სკოლის მოსწავლეებმა მშობლიური ენის საერთაშორისო დღე საინტერესოდ აღნიშნეს
24-02-2026
ხაშურის მუნიციპალიტეტის სოფელ ნაბახტევის საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით, აქტიურად აღინიშნება მნიშვნელოვანი თარიღები და მოვლენები.
20 თებერვალს, სკოლის მე-9 კლასის მოსწავლეებმა და კლასის ხელმძღვანელმა მშობლიური ენის საერთაშორისო დღე აღნიშნეს.
მოსწავლეებმა ისაუბრეს ამ დღის დაარსებისა და მნიშვნელობის შესახებ.
მე-9 კლასის დამრიგებელმა, მაია რიჟამაძემ ენის სიწმინდის დაცვაზე ზრუნვის მიზნით სულხან-საბა ორბელიანის სიტყვის კონიდან გააცნო ძველი ქართული სიტყვები და მათი დღევანდელი მნიშვნელობა.
მოსწავლეებმა გადაწყვიტეს, რომ საუბარში არ იხმარონ ჟარგონები და ისაუბრონ გამართული ქართულით.
იხილეთ ფოტო-ვიდეომასალა:
სკოლების სიახლეები
