მიხეილ ჯავახიშვილის სახელობის ქალაქ თბილისის N124 საჯარო სკოლაში მოსწავლეებისა და მათი პედაგოგის - ლანა ბერანძის, ბრწყინვალე წარმატებას აღნიშნავენ.
ახალგაზრდული მოძრაობა „დავითიანნის“ ინიციატივით, სკოლებს შორის ჩატარდა ვიდეორგოლის კონკურსი, თემაზე - „ემპათია ადამიანებს შორის“.
შეხვედრა გაიმართა საქართველოს კინოაკადემიაში, სადაც მოხდა ხმების დათვლა და უმრავლესობის ხმით თბილისის N124 საჯარო სკოლამ პირველი ადგილი მოიპოვა. გამარჯვებული გუნდის წევრები არიან - ნათია გრიგალაშვილი, მარიამ წიგნაძე, კატო ინდუაშვილი, სალომე გოგოლაძე და მარი ქოიავა.
სცენარის და იდეის ავტორი გახლავთ გუნდის ხელმძღვანელი ლანა ბერანძე. „მისმა გაზიარებულმა გამოცდილებამ გამარჯვება მოგვიტანა“,- აღნიშნავენ სკოლაში და მადლობას უხდიან ყველას ვისაც ამ საამაყო წარმატებაში მიუძღვის წვლილი.
„მადლობა ყველას: გუნდის წევრებს, გიორგი მასწავლებელს, ირმა კეკელიას სადამრიგებლოს და ყველა იმათ, ვინც გვერდში დაგვიდგა!“,- აღნიშნავენ სკოლაში.
აღსანიშნავია, რომ გამარჯვებული გუნდის ერთობლივი გადაწყვეტილებით, მოგებული თანხით სკოლაში არსებული სპეციალური საჭიროების მქონე მოსწავლეებისთვის, გუნდის წევრებმა შეიძინეს საჭირო რესურსები და გადასცეს შემოწირულობის სახით.
იხილეთ ფოტოები:
