ახალქალაქის მუნიციპალიტეტის სოფელ პატარა სამსარის საჯარო სკოლის დირექტორი მოსწავლეთა-აღზრდა განათლების საქმეს გულანთებული ემსახურება. პროფესიაზე შეყვარებული მოსწავლეებს წარმატებისკენ უბიძგებს და ახალისებს მათ პატარ-პატარა მიღწევებსაც. ბავშვებისთვის მათ ინდივიდუალურ საჭიროებებზე მორგებულ გარემოსა და საინტერესო სასწავლო პროცესს უზრუნველყოფს და ქვეყანას პასუხისმგებლიან მოქალაქეებს უზრდის. 

etaloni.ge-ს ბლიც-კითხვებს პატარა სამსარის საჯარო სკოლის დირექტორი ანაიტ ლაგზიანი პასუხობს. 

- მოსწავლეს პასუხისმგებლობას ვასწავლით მაშინ, როდესაც...
- როცა თავისი მოქმედების შედეგის გააზრების უნარი არა აქვს.

- მოსწავლეს წარმატებისკენ უბიძგებს...
- მასწავლებლის მიერ მიღებული შექება, ჯილდო და წახალისება პატარა წარმატების.

- სკოლა მოსწავლეს უნდა აძლევდეს არა მხოლოდ ცოდნას, არამედ...
- უნდა აღზარდოს პასუხისმგებლიანი ადამიანი, დამოუკიდებელი მოქალაქე.

- მოსწავლეებს შორის მეგობრობა მნიშვნელოვანია, რადგან...
- მეგობრობით და თანაგრძნობით ყალიბდება სრულფასოვანი ადამიანი. სკოლის ასაკში დაწყებული, ურთიერთნდობაზე დამყარებული მეგობრობა მთელი ცხოვრება გრძელდება. 

- სწავლა ხდება საინტერესო, როდესაც...
- გათვალისწინებულია მისი ინდივიდუალური საჭიროებები და ცოდნა. 

- უნარი, რომელსაც ყველა მოსწავლე უნდა ფლობდეს....
- თანაგრძნობის უნარი, საზოგადოების პატივისცემა.

- ჩემი პროფესიის არჩევაზე ყველაზე დიდი გავლენა მოახდინა...
- ჩემმა პირველმა მასწავლებელმა, რომელმაც ჩემში სწავლისა და მასწავლებლის პროფესიის დიდი სიყვარული გააღვივა.