ხობის მუნიციპალიტეტის სოფელ ჭალადიდის საჯარო სკოლაში გაიმართა საინტერესო და შემეცნებითი პრეზენტაცია თემაზე - „ხელოვნური ინტელექტი (AI) და თანამედროვე ტექნოლოგიები“.
პრეზენტაციას ხელმძღვანელობდა მათემატიკის მასწავლებელი ნათია კახნიაშვილი, ხოლო ღონისძიებაში აქტიურად მონაწილეობდნენ სკოლის სხვადასხვა კლასის მოსწავლეები.
შეხვედრის მონაწილეებმა განიხილეს:
- რა არის ხელოვნური ინტელექტი და როგორ მუშაობს იგი?
- როგორ ცვლის ტექნოლოგიები ჩვენს ყოველდღიურ ცხოვრებას?
- კოსმოსის კვლევისა და თანამედროვე გამოგონებების როლი განვითარებაში
- AI-ის დადებითი და უარყოფითი მხარეები
ტექნოლოგიების და AI-ის დადებითი მხარეები:
- სწავლების პროცესის გამარტივება და ინდივიდუალური მიდგომა;
- ინფორმაციის სწრაფი დამუშავება და ანალიზი;
- მედიცინაში, მეცნიერებასა და კოსმოსის კვლევაში დიდი პროგრესი;
- დროისა და რესურსების დაზოგვა.
უარყოფითი მხარეები და გამოწვევები:
- ტექნოლოგიებზე გადაჭარბებული დამოკიდებულება;
- სამუშაო ადგილების შესაძლო შემცირება;
- პირადი მონაცემების უსაფრთხოების რისკები;
- ციფრული უთანასწორობა.
საპრეზენტაციო თემები შეაჯამა ჭალადდიდის საჯარო სკოლის მოსწავლეთა თვითმმართველობის თავმჯდომარემ ანასტასია ნადარაიამ საინტერესო გამოსვლით.
მოსწავლეებმა აქტიურად იმსჯელეს, დასვეს საინტერესო კითხვები და გამოხატეს საკუთარი ხედვები - როგორ უნდა გამოვიყენოთ ტექნოლოგიები გონივრულად და პასუხისმგებლობით.
როგორც სკოლაში აღნიშნავენ, ასეთი შეხვედრები ხელს უწყობს კრიტიკული აზროვნების განვითარებას და გვახსენებს, რომ ტექნოლოგიები მხოლოდ ინსტრუმენტია - მთავარი კი ადამიანის გონება, ეთიკა და პასუხისმგებლობაა.
„ვამაყობთ, ჩვენი სკოლის აქტიური და მოაზროვნე მოსწავლეებით“,- დასძენენ სკოლაში.
იხილეთ ფოტოები:
