ახალქალაქის N4 საჯარო სკოლის მოსწავლეები, პედაგოგთა მხარდაჭერითა და წახალისებით აქტიურად მონაწილეობენ სხვადასხვა კონკურსებში, წარმოაჩენენ ცოდნას და იძენენ ახალ გამოცდილებას.
ახლახან, სკოლის პედაგოგები მოსწავლეთა წახალისებისთვის დაჯილდოვდნენ.
პედაგოგებმა, რომელთა მოსწავლეების დიდი ნაწილი „კინგსის“ საგნობრივ ოლიმპიადებში წარმატებით მონაწილეობდნენ და გაიმარჯვეს, „კინგსისგან“ სიმბოლური პრიზები და ფულადი საჩუქარი მიიღეს.
დაჯილდოვდნენ შემდეგი პედაგოგები: ნარინე უზუნია, გოჰარ სოღოიანი, აღუნიკ კარახანიანი, რუზანა ერემიანი, ზარინე ზაფოიანი და ნარინე სეირანიანი.
„კინგსის“ ოლიმპიადის ფინალში მონაწილეობისთვის ასევე სერტიფიკატები გადაეცათ მოსწავლეებს.
„ახალქალაქის N4 საჯარო სკოლის ადმინისტრაცია და პედაგოგები დიდ შრომას დებენ მოსწავლეთა აკადემიურ წარმატებაში და ახალისებენ მათ ჩართულობას სხვადასხვა კონკურსში“,- აღნიშნავენ სკოლაში.
იხილეთ ფოტოები:
