გურჯაანის მუნიციპალიტეტში ავტოსაგზაო შემთხვევის შედეგად სამი მოზარდი დაიღუპა. 

უმძიმესი ტრაგედია, სოფელ მელაანი, 21 თებერვალს მოხდა. „ჰონდას“ მარკის ავტომობილი, რომელშიც ხუთი მოზარდი იმყოფებოდა, შეჯახების შედეგად  ამობრუნდა და ცეცხლი გაუჩნდა.

შემთხვევის შემდეგ ავტომობილიდან გადმოსვლა შეძლო ორმა მოზარდმა. მათ სხვადასხვა სახის მოტეხილობები მიიღეს. ისინი სასწრაფო სამედიცინო დახმარების ჯგუფმა საავადმყოფოში გადაიყვანა.

სამწუხაროდ, ცეცხლმოკიდებული ავტომობილიდან გამოსვლა ვერ შეძლო სამმა მოზარდმა - ისინი ადგილზე დაიღუპნენ. დაღუპულები არიან ორი ბიჭი და ერთი გოგონა - ისი­ნი ერ­თმა­ნე­თის დე­ი­დაშ­ვი­ლ-ბიძაშვილები არიან. 

გავრცელებული ინფორმაციით, ახალგაზრდები სოფელში მდებარე ეკლესიაში იმყოფებოდნენ და უკან ბრუნდებოდნენ, როდესაც უბედური შემთხვევა მოხდა.

შემთხვევა ღამით, დაახლოებით 22:00 საათზე მოხდა. ადგილზე მობილიზებული იყვნენ სასწრაფო სამედიცინო დახმარების, სამაშველო სამსახურისა და პოლიციის ეკიპაჟები.

ინაგან საქმეთა სამინისტროს ინფორმაციით, მომ­ხდარ­ზე გა­მო­ძი­ე­ბა სის­ხლის სა­მარ­თლის კო­დექ­სის 276-ე მუხ­ლით და­ი­წყო, რაც ტრან­სპორ­ტის მოძ­რა­ო­ბის უსაფრ­თხო­ე­ბის ან ექ­სპლუ­ა­ტა­ცი­ის წე­სე­ბის დარ­ღვე­ვას გუ­ლის­ხმობს, რა­მაც ორი ან მეტი პი­რის სი­ცო­ცხლის მოს­პო­ბა გა­მო­იწ­ვია.