საქართველოს საპატრიარქოს წმიდა თამარ მეფის სახელობის სკოლა-გიმნაზიის ისტორიის მოყვარულთა კლუბის წევრებმა მიხა ხელაშვილის ხსოვნის საღამო გამართეს
17-02-2026
საქართველოს საპატრიარქოს წმიდა თამარ მეფის სახელობის სკოლა-გიმნაზიაში წარმატებით მუშაობს ისტორიის მოყვარულთა კლუბი.
კლუბის წევრები გარდა იმისა, რომ მოგზაურობენ საქართველოს ისტორიის ლაბირინთებში, ინტერესით ეცნობიან ქართულ ფოლკლორს, ლექსებს, ძველ ტრადიციებსა და ადათ-წესებს.
ახლახან, სკოლა-გიმნაზიის ისტორიის მოყვარულთა კლუბის წევრებმა მიხა ხელაშვილის ხსოვნის საღამო გამართეს.
მოსწავლეებმა გაიხსენეს სახალხო პოეტის ცხოვრება და მოღვაწეობა, წაიკითხეს მისი ლექსები შეასრულეს ფშავური დატირების წესი „ფერხისა“ და სიმღერა „ლექსო ამოგთქომ ოხერო“.
ღონისძიება მეტად საინტერესოდ წარიმართა და სასკოლო საზოგადოების დიდი მოწონება დაიმსახურა.
იხილეთ ფოტოები:
სკოლების სიახლეები
