წალენჯიხის მუნიციპალიტეტის ლიის თემის N2 საჯარო სკოლაში მოსწავლეთა ჩართულობა სხვადასხვა კონკურსში წახალისებულია. მოტივირებული მოსწავლეები კი ხალისით მონაწილეობენ სხვადასხვა პროექტში.
მათ შორის სკოლაში ინტელექტუალური თამაში - „ტვინების ბრძოლა“ გაიმართა, რომელსაც ესწრებოდნენ სხვადასხვა საგნის მასწავლებლები, სკოლის ადმინისტრაცია და დირექტორი.
შიდასასკოლო ტურში მონაწილეობდა რვა მოსწავლით დაკომპლექტებული სამი გუნდი - „ოლიმპიელები“, „მოაზროვნეები“ და „ძალა ერთობაშია“.
სამივე გუნდმა ბრწყინვალედ იასპარეზა, ყველა მოსწავლე აქტიურად იყო ჩართული, გუნდების გარდა ცალკე კაპიტნებიც იბრძოდნენ პირველობისთვის. გამარჯვება გუნდს - „ძალა ერთობაშია“- ხვდა წილად.
სკოლაში ღონისძიების მიმდინარეობას ხელმძღვანელობდა ამავე სკოლის მასწავლებელი ლელა ლუკავა.
ყველა მონაწილეს გადაეცა სიგელი.
იხილეთ ფოტოები:
