წმინდა ანდრია პირველწოდებულის სახელობის ჭიათურის მართლმადიდებლური სკოლის მოსწავლეები ეროვნულ ღირებულებებზე იზრდებიან. პედაგოგები მათ ისტორიისა და სახელოვანი წინაპრების პატივისცემას ასწავლიან და მათი პატრიოტული სულისკვეთების ამაღლებაზე ზრუნავენ.
სწორედ, ეროვნული აზროვნებისა და თვითშეგნების ამაღლების მიზნით, 9თებერვალს, წმინდა ანდრია პირველწოდებულის სახელობის ჭიათურის მართლმადიდებლური სკოლის მე-9ა კლასში ჩატარდა ღონისძიება თემაზე „დავით აღმაშენებელი 900“ (პედაგოგი ს. ჭიოკაძე).
მოსწავლეებმა საინტერესოდ და კოსტიუმირებულად წარმოადგინეს თემა. ისაუბრეს მეფეთ მეფე დავითის ღვაწლზე და გავლენაზე, ხოტბა შეასხეს მის მოღვაწეობასა და რეფორმებს.
ღონისძიებამ დიდი მოწონება დაიმსახურა, მოსწავლეებმა კი სახელოვანი წინაპრის ცხოვრებისა და მოღვაწეობის შესახებ ცოდნა გაიმდიდირეს და პატივი მიაგეს მის ხსოვნას.
იხილეთ ფოტოები:
