მიხეილ ხერგიანის სახელობის დაბა მესტიის N 2 საჯარო სკოლაში მოსწავლეთა წიგნიერების დონის ამაღლება ერთ-ერთი პრიორიტეტული საკითხია, ამ მიზნით კი არაერთი ღონისძიება იმართება.
მათ შორის, დაიგეგმა და განხორციელდა პროექტი – „წიგნის საჯაროდ კითხვის კვირეული“.
პროექტში მონაწილეობდნენ დაწყებითი და საბაზო კლასების მოსწავლეები. კვირეულის ფარგლებში წინის კითხვის პოპულარიზაციისკენ მიმართული არაერთი ღონისძიება გაიმართა.
4 თებერვალს, პირველი და მეორე კლასის მოსწავლეებმა სკოლის ბიბლიოთეკაში გამართეს ხმამაღლა კითხვის აქტივობა.
5 თებერვალს, საბაზო კლასების მოსწავლეები ჩაერთნენ საჯარო კითხვის ფორმატში.
6 თებერვალს, მესამე და მეოთხე კლასის მოსწავლეები ესტუმრნენ მესტიის N2 საბავშვო ბაგა-ბაღს და პატარებს წაუკითხეს შერჩეული საბავშვო ნაწარმოებები.
როგორც სკოლაში გვეუბნებიან, პროექტის მიზანი იყო წიგნიერების პოპულარიზაცია, კითხვის კულტურის განვითარება და სხვადასხვა ასაკობრივი ჯგუფის თანამშრომლობის გაძლიერება.
იხილეთ ფოტოები:
