პტენის საჯარო სკოლის მოსწავლეებმა შესწავლილი მოთხრობა ჯერ კომიქსად აქციეს, შემდეგ კი პერსონაჟები გააცოცხლეს
13-02-2026
ახალქალაქის მუნიციპალიტეტის სოფელ პტენის საჯარო სკოლაში კომპლექსური დავალებებით სწავლება წარმატებით მიმდინარეობს. შემოქმედებითი ბუნების დავალებები მოსწავლეთა დიდი ინტერესით გამოირჩევა, რაც მათ მოტივაციაზე აისახება.
აღსანიშნავია მე-2 კლასელთა შესრულებული კომპლექსური დავალება თემაზე - „ფუტკარი და ჭიანჭველა“.
მოსწავლეებმა მოთხრობა ჯერ კომიქსად აქციეს, შემდეგ კი როლური თამაშით ნაწარმოების გმირები გააცოცხლეს.
მოსწავლეებისთვის დავალება სასწავლო-შემეცნებითთან ერთად სახალისო აღმოჩნდა. მოთხრობის დედააზრი უკეთ გაიაზრეს და ნიჭი და შესაძლებლობებიც წარმოაჩინეს.
სასწავლო პროცესს ხელმძღვანელობდა პედაგოგი ვარა გალიბინი.
იხილეთ ფოტოები:
სკოლების სიახლეები
